Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   fim 27. apríl 2017 13:54
Elvar Geir Magnússon
Der Spiegel heldur áfram að fjalla um meinta nauðgun Ronaldo
Der Spiegel stendur fast á fréttaflutningi um meinta nauðgun Cristiano Ronaldo.
Der Spiegel stendur fast á fréttaflutningi um meinta nauðgun Cristiano Ronaldo.
Mynd: Getty Images
Ronaldo leikur fyrir Real Madrid og portúgalska landsliðið.
Ronaldo leikur fyrir Real Madrid og portúgalska landsliðið.
Mynd: Fótbolti.net - Hafliði Breiðfjörð
Þýska blaðið Der Spiegel sem gefur sig út fyrir rannsóknarblaðamennsku fjallaði um miðjan mánuðinn um meinta nauðgun sem Cristiano Ronaldo, ein skærasta fótboltastjarna sögunnar, er sakaður um að hafa framið árið 2009.

Sagt er að nauðgunin hafi verið framin í Las Vegas en Ronaldo neitar sök og var hreinsaður af öllum ásökunum.

Átta árum eftir málið segir Der Spiegel hafa undir höndum gögn um að Ronaldo hafi mútað „fórnarlambinu" sem hafi fengið yfir 36 milljónir króna í vasann til að fara ekki með málið inn í réttarsal.

Talsmenn Ronaldo segja að fréttin sé skáldskapur frá rótum en Der Spiegel segist hafa textaskilaboð og gögn undir höndum sem sönnunargögn í því að Ronaldo hafi borgað umrædda upphæð. Gögnin eru úr umfangsmiklum gagnaleka og eru undirritið af honum.

Fórnarlambið gengur undir dulnefninu Susan K. í Der Spiegel og hún er amerísk en getur ekki stigið fram og staðfest ásakanirnar vegna samningsins við Ronaldo. Samkomulagið ku vera gríðarlega ítarlegt þar sem kemur meðal annars fram hvernig hún eigi að hegða sér og hvað hún eigi að segja ef hún er spurð út í málið.

Ronaldo var í Las Vegas sumarið 2009 en þá var verið að ganga frá kaupum hans til Real Madrid frá Manchester United.

Sagt er að Ronaldo hafi hitt Susan K. á skemmtistað og farið með henni í herbergi sitt á Palms Place hótelinu. Susan á að hafa sakað Ronaldo um nauðgun í bréfi til hans og lögmanna hans. Samkomulag um að útkljá málið utan réttarsala á að hafa verið gert í janúar 2010.

Ronaldo hefur misst einhverja aðdáendur vegna umfjöllunar Der Spiegel en sjálfur Bubbi Morthens er hættur að horfa á leiki Real Madrid.



Athugasemdir
banner
banner
banner