Hemmi var á skotskónum.
Hermann Hreiðarsson skoraði fernu þegar lið skipað fyrrum leikmönnum Portsmouth sigraði lið skipað fyrrum leikmönnum Glasgow Rangers 4-2 í góðgerðarleik í vikunni.
2000 áhorfendur mættu á leikinn en allur ágóði rann í minningarsjóð Lee Rigby. Lee var hermaður sem lést að störfum en samtals safnaðist 1,4 milljón króna í minningarsjóð hans.
Hermann og Darren Anderton voru þekktustu nöfnin í liði Portsmouth en í liði Rangers voru þekktustu nöfnin David Robertson, Rod Wallace, Gregory Vignal, Bert Konterman og Keith Gillespie. Gillespie spilaði reyndar ekki með Rangers á ferlinum en hann tók þátt í þessum leik.
2000 áhorfendur mættu á leikinn en allur ágóði rann í minningarsjóð Lee Rigby. Lee var hermaður sem lést að störfum en samtals safnaðist 1,4 milljón króna í minningarsjóð hans.
Hermann og Darren Anderton voru þekktustu nöfnin í liði Portsmouth en í liði Rangers voru þekktustu nöfnin David Robertson, Rod Wallace, Gregory Vignal, Bert Konterman og Keith Gillespie. Gillespie spilaði reyndar ekki með Rangers á ferlinum en hann tók þátt í þessum leik.
Wayne Shaw lék einnig sem gestaleikmaður í liði Rangers. Shaw komst heldur betur í fréttirnar í febrúar en þá var hann varamarkvörður utandeildarliðsins Sutton í leik gegn Arsenal.
Shaw borðaði böku á bekknum í síðari hálfleik og það vakti heimsathygli. Shaw var hins vegar rekinn frá Sutton daginn eftir. Hægt var að veðja á að Shaw myndi borða böku á bekknum og félagið var ósátt við að hann hafi gert það
Shaw réði ekkert við Hermann í leiknum í vikunni en Eyjamaðurinn fór á kostum og skoraði öll fjögur mörk Portsmouth.
Wayne Shaw átti ekki séns gegn Hemma Hreiðars.
Athugasemdir
