„Þetta var frábært. Gaman að ná strax þremur stigum. Þetta var mjög gott,“ sagði Jón Kristjánsson þjálfari Fylkis eftir sigur á Grindavík í fyrstu umferð Pepsi-deildarinnar þetta árið.
Lestu um leikinn: Fylkir 1 - 0 Grindavík
„Við héldum skipulaginu mjög vel í fyrri hálfleik og vorum miklu betri að mínu mati. Við fengum talsvert af sénsum og svoleiðis. Í seinni hálfleik settu þær okkur undir mikla pressu. Þetta Grindavíkurlið er nokkuð gott og settu okkur undir mikla pressu en við stóðumst hana. Kannski á köflum á lyginni en þær fá samt ekki sitt fyrsta færi fyrr en seinni partinn í seinni hálfleik og fram að því vorum við búin að halda þeim í skefjun allan tímann eins og við ætluðum að gera. Síðan voru komnar svolítið þreyttar lappir þarna undir lokin og þá var þetta orðið erfitt. Við fengum samt ágætis séns undir lokin þegar þær voru farnar að taka mjög mikla sénsa. Við unnum þetta bara. Það er jákvætt.“
Fylkisliðinu hefur ekki verið spáð góðu gengi í sumar en Jón segir að slíkar spár nýtist til að mótivera liðið.
„Ég held að öll lið í heiminum sem er spáð fallsæti noti það til að mótivera sig og svo framvegis. Við gerum það nákvæmlega sama en við stökkvum ekkert upp á afturlappirnar þó við tökum einn sigur. Við erum nokkuð rólegar og nokkuð meðvituð um það sem við erum að stefna að markmiðslega séð. Við erum bara tiltölulega róleg yfir þessu og höldum bara áfram. Það er FH á þriðjudaginn næsta og það verður skemmtilegt að spila í Krikanum.“
Lið Fylkis er gjörbreytt frá því í fyrra en margir reynslumiklir leikmenn hafa horfið á braut og Jón hefur fengið til sín unga og efnilega leikmenn í staðinn. Hann segir markmiðið vera að búa til framtíðarlið í Árbænum.
„Fyrsta markmið er að búa til framtíðarlið Fylkis. Það er númer eitt, tvö og þrjú á þessu ári og hluti af því er að halda liðinu í Pepsi-deildinni. Við fengum samt ekkert hvaða leikmenn sem er til okkar. Þeir eru allir með ákveðna eiginleika sem við vorum að leita eftir og passa inn í það sem ég vil gera. Þetta skiptir öllu máli. Við tókum ekki bara hvað sem er. Við reyndum að sjálfsögðu við miklu meira til þess að efla liðið ennþá meira en síðan eigum við náttúrulega bara fullt af leikmönnum hérna innandyra sem eru að fá tækifæri og eru að stíga sín fyrstu skref. En það er engin tilviljun hvaða leikmenn voru teknir inn og hvaða leikaðferð við erum að spila. Þetta er bara nokkuð vel útpælt hjá okkur,“ sagði Jón meðal annars en hægt er að horfa á allt viðtalið við hann í sjónvarpinu hér að ofan.
Athugasemdir