Írunn Þorbjörg Aradóttir, leikmaður Stjörnunnar sýnir á sér hina hliðina í dag.
Írunn er á 21 aldursári og er að hefja sitt sjöunda tímabil með meistaraflokki Stjörnunnar.
Írunn er á 21 aldursári og er að hefja sitt sjöunda tímabil með meistaraflokki Stjörnunnar.
Fullt nafn: Írunn Þorbjörg Aradóttir
Gælunafn sem þú þolir ekki: Íbba Tobba er hræðilegt
Aldur: 21 árs
Giftur/sambúð: Í sambandi
Börn: Nei
Kvöldmatur í gær: Grillað lambakjöt og sætar kartöflur
Uppáhalds matsölustaður: Ætli það sé ekki bara Saffran og Caruso.
Hvernig bíl áttu: Gráan Toyota Corolla
Besti sjónvarpsþáttur: Modern family og svo fæ ég aldrei nóg af Friends.
Uppáhalds hljómsveit: Þessa stundina er ég mest að hlusta á Ed Sheeran
Uppáhalds skemmtistaður: Stunda þá lítið
Frægasti vinur þinn á Facebook: Markavélin Harpa Þorsteins
Hvernig hljómar síðasta sms sem þú fékkst: "Já er á leiðinni"
Hefurðu tekið dýfu innan teigs: Nei ég er ekki mikið í dýfunum
Hvaða liði myndir þú aldrei spila með: Aldrei að segja aldrei en ég myndi seint spila með Breiðablik
Besti leikmaður sem þú hefur mætt: Sara Björk, þegar hún spilaði með Blikum áður en hún fór út
Mest óþolandi leikmaður sem þú hefur mætt: Dettur enginn í hug
Sætasti sigurinn: Fyrsti Íslandsmeistaratitillinn 2011 var virkilega sætur
Mestu vonbrigðin: Að hafa ekki komist í næstu umferð í meistaradeildinni í fyrra eftir að við spiluðum í Rússlandi
Uppáhalds lið í enska: Grjótharður poolari
Ef þú fengir að velja einn leikmann úr öðru íslensku liði í þitt lið: Væri gott að vera með Rakel Hönnudóttir í liði
Fyrsta verk ef þú yrðir formaður KSÍ: Fá fleiri leiki fyrir U-23 ára landsliðið og breyta Pepsi kvenna í 12 liða deild.
Efnilegasti knattspyrnumaður landsins: Hulda Hrund í Fylki
Fallegasti knattspyrnumaðurinn í deildinni: Agnar Darri Sverrisson í Víking
Fallegasta knattspyrnukonan: Elín Metta í Val
Besti íþróttalýsandinn: Gummi Ben er bestur
Hver er mesti höstlerinn í liðinu: Það eru 96 módelin í liðinu, ekki spurning. Enginn sem kemst með tærnar þar sem þær eru með hælana.
Uppáhalds staður á Íslandi: Vík í Mýrdal er topp staður.
Segðu okkur frá skemmtilegu atviki sem gerst hefur í leik: Það var í fyrra þegar við kepptum næsta leik í deildinni eftir að hafa unnið úrslitaleikinn í bikarnum. Ég tók búningatöskurnar heim eftir bikarleikinn og steingleymdi þeim í skottinu á bílnum. Hálftíma fyrir mætingu fattaði ég þetta og hringdi í Óla þjálfara. Siggi dúlla reddaði þessu með því að skola af búningunum. En þeir náðu ekki að þorna fyrir leik þannig þetta endaði með því að við kepptum í blautum búningum, með myglublettum á, angandi af kampavínslykt. Eftir þetta þurfti ég aldrei aftur að sjá um búningana, sem voru með myglublettum á restina af tímabilinu.
Hvenær lékstu þinn fyrsta leik með meistaraflokki: Sumarið 2009 á móti KR í bikarnum
Besta við að æfa fótbolta: Félagsskapurinn, tilfinningin að vinna leiki, útiveran og hreyfingin.
Hvenær vaknarðu á daginn: Reyni að vakna um níu leytið en á það til að snooza soldið oft ..
Fyrir utan knattspyrnu, fylgist þú með öðrum íþróttum: Já reyni að fylgjast með handbolta og þegar Ólympíuleikarnir eru í gangi þá horfi ég mikið á frjálsar
Hvenær borgaðir þú þig síðast inn á knattspyrnuleik: Ætli það hafi ekki verið síðasta sumar
Í hvernig fótboltaskóm spilar þú: Spila núna í hvítum nike vapor
Í hverju varstu/ertu lélegastur í skóla: Hef aldrei verið góð í sögu og jarðfræði enda ekki skemmtileg fög
Vandræðalegasta augnablik: Þegar ég mætti fyrsta skóladaginn í Versló og strákarnir í bekknum ákváðu að skella myndbandi frá lokakeppni u-17 upp á skjávarpa þar sem leikurinn endaði 8-2 fyrir Þýskalandi. Var frekar óþægilegt að sitja í stofunni og rifja þetta upp. Þetta myndband er með rúmlega 20 milljón views á youtube.
Skilaboð til Freys: Áfram Ísland
Viltu opinbera leyndarmál að lokum: Nei
Athugasemdir