Massimo Allegri, stjóri Juventus, hefur gefið það út að hann vilji ólmur vera áfram hjá félaginu.
Þessi 49 ára þjálfari hefur mikið verið orðaður við við Arsenal síðustu mánuðina eftir að pressan á Arsene Wenger hefur orðið meiri og meiri en Allegri virðist hafa blásið á þær sögusagnir.
„Ég vil vera áfram hjá Juventus”, sagði Allegri.
„Samningur minn gildir til 2018 og ég verð því að tala við félagið eftir úrslitaleikinn”.
„Ég er mjög stoltur af því sem ég hef áorkað með liðini síðustu þrjú árin. Vonandi getum við bætt við enn einum titlinum í Cardiff”.
Juventus mætir Real Madrid í úrslitum meistaradeildarinnar 3 júní næstkomandi.
Athugasemdir