PSG er franskur bikarmeistari eftir slakt tímabil þar sem félagið datt út eftir 6-1 tap í Meistaradeildinni og tapaði franska titlinum til Monaco.

Í kvöld mættust PSG og Angers í leik sem flestir bjuggust við að PSG myndi vinna án teljandi vandræða.

Svo var ekki og virtist allt benda til þess að leikurinn færi í framlengingu þegar PSG fékk hornspyrnu í uppbótartíma.

Hornspyrnan fór á nærhornið þar sem Issa Cissokho ætlaði að skalla knöttinn í burtu, en stýrði honum þess í stað óvart í eigið net.