ÍR-ingar nældu í fyrstu stigin sín í sumar á sterkum útivelli í Keflavík. Guðmundur þjálfari ÍR hafði þetta um það að segja:
Lestu um leikinn: Keflavík 1 - 3 ÍR
„Tilfinningin er virkilega góð, við erum að koma hérna á einn erfiðasta útivöllinn í deildinni og að hirða þrjú stig og að mínu viti bara nokkuð sannfærandi. Þó það hafi legið svolítið á okkur þá var það partur af prógramminu.“
„Við erum búin að spila það oft við þetta Keflavíkurlið að við erum farnar að þekkja þær vel, við vitum hvar stykleikar þeirra liggja. Þær eru með virkilega sprækar, öflugar stelpur en þær þrífast svolítið á plássi fyrir aftan vörnina og við buðum bara ekki upp á neitt pláss fyrir aftan vörnina. Lágum aftarlega, sóttum hratt og skoruðum þrjú bara frábær mörk.“
Eva Ýr markmaður ÍR-inga stóð eins og klettur í markinu og tók allt sem kom á hana fyrir utan eitt óverjandi skot sem endaði með marki.
„Það er frábært að hafa hana þarna aftast, það er góð og gild ástæða að við lögðum hart að henni að koma til okkar og sóttum stíft að fá hana og hún er að sýna af hverju við vorum að því.“
Athugasemdir