Á dögunum bárust fréttir af því að Ronaldinho væri að fara að giftast tveimur konum.
Nú hefur þessi fyrrum landsliðsmaður Brasilíu komið fram og sagt þessa sögu vera lygi þó hann hafi séð skondnu hliðina á málinu.
„Þetta er risastór lygi. Það sem var sagt er lygi," sagði knattspyrnugoðsögnin í viðtali við SporTV.
„Allir í heiminum eru að hringja í mig og senda mér skilaboð, það er fyndið. Ég er ekki að fara að gifta mig!"
Brasilíumaðurinn vann gullknöttinn sem besti leikmaður heims árið 2005 en hann lagði skóna á hilluna árið 2015.
Athugasemdir