„Það er hálf súrrelaískt að vera hér á frönsku ríverunni fyrir leik gegn Englandi í 16-liða úrslitum. Þetta er absúrd," sagði Freyr Eyjólfsson, útvarpsmaður á Rás 2, í samtali við Fótbolta.net í dag.
Freyr hefur starfað fyrir RÚV í kringum mótið í Frakklandi og fengið stemnignuna beint í æð.
„Það er þjóðhátíðarstemning. Alls staðar þar sem maður fer er fullt af Íslendingum og þetta er eins og stórt ættarmót," sagði Freyr sem er brattur fyrir leikinn í kvöld.
„Það lið sem vinnur, þarf að hafa fyrir sigrinum. Það verður heitt og rakt. Liðin eru búin að spila erfiða leiki og þetta er farið að taka í. Þetta fer í framlengingnu og vító og sagan er ekki með Englendingum þar," sagði Freyr.
Hér að ofan má sjá viðtalið í heild sinni.
Athugasemdir