mán 27. júní 2016 21:32
Magnús Már Einarsson
Leikið gegn Frökkum á sunnudag - Mun stærri leikvangur
Icelandair
Mynd: Fótbolti.net - Hafliði Breiðfjörð
Ísland mætir Frökkum í 8-liða úrslitum á EM á sunnudag klukkan 19:00 að íslenskum tíma.

Ljóst er að fjömargir Íslendingar ætla að gera sér ferð á leikinn auk þess sem margir Íslendingar sem eru í Frakklandi ætla að framlengja dvöl sína þar.

Ísland sigraði England í Nice í kvöld fyrir framan 35 þúsund manns en mun færri Íslendingar komust að en vildu.

Á sunnudag verður spilað á Stade de France sem tekur 81 þúsund manns í sæti.

Ekki hefur verið gefið út hvenær miðasala hefst á leikinn.

Ísland á góðar minningar frá Stade de France eftir 2-1 sigur á Austurríki þar í síðustu viku.
Athugasemdir
banner
banner
banner
banner