Uppgjör 9. umferðar
Sigurður Kristján Nikulásson var steggjaður í hálfleik í leik Stjörnunnar og ÍA þar sem hann var með skemmtiatriði.
Það er hefð fyrir því hér á Fótbolta.net að halda lokahóf eftir hverja umferð í Pepsi-deild karla. Þér er að sjálfsögðu boðið.
Þeir sem brosa mest eftir umferðina: FH-ingar unnu ólýsanlega mikilvægan sigur á ÍBV. Alls engin flugeldasýning frá Íslandsmeisturunum sem voru hægir og daprir á löngum köflum en náðu þremur stigum. Á sama tíma voru Valur, Stjarnan og Grindavík að gera jafntefli í sínum leikjum. FH-ingar eru enn með!
Fólk fékk mest fyrir 2.000 kallinn: KR-ingar unnu 3-2 sigur gegn KA á Akureyri í leik þar sem heimamenn hefðu átt að fá vítaspyrnu í uppbótartíma til að jafna metin en dómarateymið brást.
Ekki lið umferðarinnar:
Bulatovic og Trninic voru ekki líkir sjálfum sér gegn KR og virkuðu væskilslegir. Kristinn Ingi Halldórsson heldur áfram að fara illa með færin fyrir Val. Hann er enn ekki kominn á blað í deildinni. Klúðraði færum í 1-1 jafntefli gegn Fjölni
Speglun umferðarinnar: Stjarnan byrjaði leikinn gegn ÍA á því að yfirspila mótherja sína svo þeir gulu sáu ekki til sólar. Stjarnan lék 3-4-3 en þegar Gulli Jóns breytti taktík sinna manna í ÍA og speglaði kerfið lokuðust götin.
Tún umferðarinnar: Fjölnismenn slepptu því að slá grasið á Extra-vellinum fyrir heimsókn Valsmanna. Þá var völlurinn ekki heldur vökvaður fyrir leik. Valsmenn voru ekkert sérstaklega ánægðir með þetta enda áttu þeir erfitt með að ná upp hröðu spili í leiknum.
Mark eða ekki mark umferðarinnar: Sigurmark Lennon gegn ÍBV. Enginn hefur hugmynd um hvort boltinn hafi farið inn eða ekki, nema aðstoðardómarinn sem flaggaði mark.
Yfirvegun umferðarinnar: Túfa þjálfari KA. sama hvernig gengur er hann alltaf rólegur í viðtölum og ekkert að væla.
Miðasala umferðarinnar: Hanna Birna Kristjánsdóttir, fyrrum borgarstjóri og alþingiskona, stóð vaktina í miðasölunni á Víkingsvelli í gær. Ný verkefni eftir að stjórnmálaferlinum lauk.
Nýtt einkunnakerfi: Logi Ólafsson er taplaus sem þjálfari Víkings R. og á miklu skriði. Eftir leikinn gegn Stjörnunni gaf hann Víkingi 9 í einkunn og eftir jafntefli gegn FH var það 8. Í gær var nýtt einkunnakerfi eftir sigurinn á Víkingi Ólafsvík. „Það er búið að breyta einkunnarskala menntamálaráðuneytisins. Nú er gefið í bókstöfum. Þetta er A+," sagði Logi léttur eftir leikinn í gær.
Erfið vakt umferðarinnar: Hákon Ívar Ólafsson í Grindavík fékk pungspark og blóðnasir í sama árekstrinum og var sárkvalinn snemma leiks í Kópavogi. Svo þurfti hann að fara út af á 27. mínútu eftir tæklingu.
Heiðursverðlaun umferðarinnar:
Hversu fallegt myndskeið af Gunnleifunum mínum tveim 😍❤️ pic.twitter.com/Lo9MVb67k6
— Hildur Einarsdóttir (@HildurEinarsd) June 27, 2017
Dómari umferðarinnar: Ívar Orri Kristjánsson fék 8,5 í einkunn fyrir dómgæsluna í leik Breiðabliks og Grindavíkur.
Þið eigið lokaorðið #fotboltinet
Jonathan Hendrickx að fara & Kassim Doumbia bekkjaður, er FH eitthvað að draga saman seglin?
— Gummi Ben (@GummiBen) June 26, 2017
CSI: Grafarvogur pic.twitter.com/YLDxAhUwXw
— Jón Kári Eldon (@jonkarieldon) June 26, 2017
Það gjörsamlega rauk út úr munninum á Óla Stefáni í kvöld..haha... :D #fotboltinet #fotbolti #pepsideildin #pepsi365 pic.twitter.com/1vmdBf5esd
— Eva Björk (@EvaBjork7) June 26, 2017
Blikar eru með sýningu í Kóp: Hvernig boltinn getur farið allt annað en í markið í dauðafærum 😱🙈🙊 #blix #pepsi365 #FotboltiNet #fotbolti
— Ragnheiður Lóa (@ragnheidurloa) June 26, 2017
Grindavík saknar Milos Zeravica í kvöld. Maðurinn gæti haldið boltanum á miðjunni í 90 mín ef þess þyrfti #fotboltinet
— Siggeir F. Ævarsson (@siggeirslayer) June 26, 2017
valid spurning pic.twitter.com/TY5cOOQJJE
— dóri Sævarsson (@halldoringi) June 26, 2017
Athugasemdir