„Ég er feikilega ánægður með stelpurnar í dag og spilamennskuna," sagði Úlfur Blandon þjálfari Vals eftir 1-1 jafntefli gegn Þór/KA á heimavelli í 10. umferð Pepsi-deild kvenna.
Valsliðið var betra aðilinn í leiknum og fengu aragrúa af færum til að skora fleiri mörk.
Valsliðið var betra aðilinn í leiknum og fengu aragrúa af færum til að skora fleiri mörk.
Lestu um leikinn: Valur 1 - 1 Þór/KA
„Mér fannst við mæta tilbúnar í þennan leik. Við fengum alveg nógu mörg færi til að vinna leikinn. Því miður vildi boltinn ekki inn. Við sköpuðum fullt af hættulegum færum."
„Heilt yfir er ég mjög sáttur með spilamennskuna í kvöld."
„Mér fannst vera mikill kraftur í liðinu. Við vitum að Þór/KA spilar fast og við ætluðum að mæta tilbúnar og aggresívar í þennan leik og liðið gerði það," sagði Úlfur en Valur mætir ÍBV á sunnudaginn í síðasta leik deildarinnar fyrir EM pásuna.
„Við förum núna á fullt í að undirbúa okkur fyrir leikinn gegn ÍBV. Auðvitað er fókusinn þar núna. Í frí-inu munum við síðan æfa fótbolta og höldum áfram að æfa og gera okkur klára fyrir seinni hlutann á mótinu."
Viðtalið í heild sinni má sjá í sjónvarpinu hér að ofan.
Athugasemdir
