Bergsveinn Ólafsson, fyrirliði Fjölnis, skoraði gull af marki þegar liðið vann 4-1 sigur í dag gegn Þórsurum. Þetta var heldur betur langþráður sigur hjá Grafarvogsliðinu sem hafði ekki unnið síðan 8. maí gegn einmitt Þór.
Fjölnir er nú fimm stigum fyrir ofan fallsæti.
Fjölnir er nú fimm stigum fyrir ofan fallsæti.
„Ég hélt ég væri rangstæður en ákvað að reyna á þetta. Það var virkilega sætt að geta farið inn í klefa og fagnað þremur stigum. Maður var orðinn hálf þunglyndur á tímabilið. Maður hélt alltaf í vonina að næsti sigur mundi koma og það gerðist í dag“ sagði Bergsveinn við Fótbolta.net eftir leikinn.
Væri Bergsveinn ekki til í að mæta Þór í hverri umferð?
„Eigum við ekki að segja það? Ef við tökum þrjú stig í hverri umferð væri ég alveg til í að mæta Þór í hverri umferð."
Viðtalið má sjá í heild í sjónvarpinu hér að ofan.
Athugasemdir