Gylfi var aðalskotmark Swansea í sumar
Gylfi Þór Sigurðsson markaði endurkomu sína til Swansea í dag með því að skora tvö mörk í æfingaleik gegn Plymouth.
Swansea keypti Gylfa á dögunum frá Tottenham, en landsliðsmaðurinn lék sem kunnugt er með velska liðinu seinni hluta leiktíðarinnar 2011-12. Skoraði hann þá sjö mörk í 17 leikjum og er hann í miklu uppáhaldi á meðal stuðningsmanna liðsins.
Swansea keypti Gylfa á dögunum frá Tottenham, en landsliðsmaðurinn lék sem kunnugt er með velska liðinu seinni hluta leiktíðarinnar 2011-12. Skoraði hann þá sjö mörk í 17 leikjum og er hann í miklu uppáhaldi á meðal stuðningsmanna liðsins.
Garry Monk, stjóri Swansea, hrósaði Gylfa í hástert eftir leikinn gegn Plymouth í dag. Leikurinn endaði 4-0, en staðan var 1-0 þegar Gylfi kom inn á. Skoraði hann tvö mörk og lagði upp það þriðja á síðustu 20 mínútum leiksins.
,,Frá upphafi sumars var Gylfi sá leikmaður sem ég virkilega vildi fá hingað sem fyrst," sagði Monk eftir leikinn.
,,Hann er topp leikmaður - í rauninni betri en þegar hann var hérna síðast. Hann kom og lét strax að sér kveða í dag. Hann kemur með aukin gæði í hópinn okkar, sem er eitthvað sem við viljum."
,,Það hjálpar til að hann veit hvernig félagið virkar. Hann þekkir mig vel, sem og nokkra leikmenn og það mun hjálpa honum í að aðlagast."
Athugasemdir