Magnús Gylfason þjálfari Vals gat glaðst eftir leik liðsins í kvöld eftir 2-1 útisigur í Keflavík í kvöld. Valsmenn komust yfir í fyrri hálfleik en Keflvíkingar jöfnuðu um miðjan seinni hálfleik. Nýliðinn, Daði Bergsson tryggði Valsmönnum hinsvegar sigurinn rétt fyrir leikslok.
Fyrsti sigur Vals í síðustu fjórum leikjum staðreynd. Magnús var ánægður með spilamennsku Valsliðsins í kvöld.
Fyrsti sigur Vals í síðustu fjórum leikjum staðreynd. Magnús var ánægður með spilamennsku Valsliðsins í kvöld.
,,Þetta var mjög vel spilaður og ég hefði verið gríðarlega svekktur ef við hefðum ekki farið með þrjú stig úr þessum leik eftir þessa frammistöðu. Við gáfum aðeins eftir í byrjun seinni. Við vissum að þeir myndu mæta brjálaðir til leiks, 1-0 undir. Síðan kemur þetta jöfnunarmark sem ég tel vera kolólöglegt. Heilt yfir var þetta vel spilaður leikur af okkar hálfu í 90 mínútur og ég er mjög sáttur," sagði Magnús Gylfson himinlifandi eftir fyrsta sigur Vals í deildinni í langan tíma. Magnús segist gera ráð fyrir því að þessum sigri verði fagnað í brekkunni á Þjóðhátíð.
,,Þið eruð velkomnir í hvíta tjaldið til mín ef þið komið til Eyja," sagði Magnús að lokum.
Viðtalið í heild sinni má sjá í sjónvarpinu hér að ofan.
Athugasemdir
