Sóknarmaðurinn Alexandre Pato mun ganga í raðir Villarreal frá Corinthians á næstunni eftir misheppnaða lánsdvöl hjá Chelsea á síðasta tímabili.
Brasilíski landsliðsmaðurinn fór til Chelsea á láni undir lok janúarmánaðar en skoraði einungis eitt mark í deildinni og yfirgaf félagið 1. júlí. Corinthians hafði gert ráð fyrir því að Pato yrði áfram á Stamford Bridge á næstu leiktíð en Antonio Conte vildi ekkert með hann hafa.
Brasilíski landsliðsmaðurinn fór til Chelsea á láni undir lok janúarmánaðar en skoraði einungis eitt mark í deildinni og yfirgaf félagið 1. júlí. Corinthians hafði gert ráð fyrir því að Pato yrði áfram á Stamford Bridge á næstu leiktíð en Antonio Conte vildi ekkert með hann hafa.
Villarreal mun kaupa þennan 26 ára framherja, sem sló í gegn ungur að árum með AC Milan áður en verulega fór að fjara undan honum.
Marca segir að spænska félagið muni borga 3 milljónir evra fyrir 60 prósenta hlut í Pato. Kemur hann til með að fylla skarð Denis Suarez sem gekk í raðir Barcelona frá Villarreal á dögunum.
Athugasemdir