Ásmundur Arnarsson var mjög sáttur með sína menn eftir mikilvægan 2-1 sigur á Þórsurum í Inkasso-deildinni fyrr í kvöld.
Fram komst í tveggja marka forystu snemma leiks og voru Akureyringar nokkrum sinnum nálægt því að minnka muninn en inn fór boltinn ekki fyrr en í uppbótartíma.
Fram komst í tveggja marka forystu snemma leiks og voru Akureyringar nokkrum sinnum nálægt því að minnka muninn en inn fór boltinn ekki fyrr en í uppbótartíma.
„Við byrjuðum leikinn mjög sterkt og ég er gríðarlega ánægður með mitt lið. Liðsheildin skóp góðan og öflugan sigur," sagði Ási að leikslokum.
Alex Freyr Elísson var rekinn af velli um miðjan síðari hálfleik þegar hann fór í tæklingu. Ása fannst rauða spjaldið strangt en segist skilja ákvörðunina.
„Ég held ég átti mig á hvað hann er að fara með rauða spjaldinu en mér fannst það samt strangur dómur. Ég hefði viljað sjá annan lit á spjaldinu, ég held hann hefði haft betri tök á leiknum í framhaldinu því þetta fór svolítið út í vitleysu í kjölfarið."
Athugasemdir
