Arsene Wenger, stjóri Arsenal, hefur staðfest að Olivier Giroud verði frá keppni til áramóta eftir að hafa farið í aðgerð á ökkla í dag.

Franski framherjinn meiddist gegn Everton um helgina og spilar líklega ekki meira á þessu ári.

Wenger útilokar ekki að kaupa framherja áður en félagaskiptaglugginn lokar á mánudag.

,,Við munum líta í kringum okkur en við viljum gæði. Við höfum gæði. Walcott er að koma til baka fljótlega og við erum með Podolski, Campbell og Sanogo. Að finna leikmenn sem eru betri en við höfum er mjög erfitt," sagði Wenger.