Norðmaðurinn Ronny Deila.
Celtic frá Glasgow mistókst að komast í Meistaradeild Evrópu en liðið tapaði 0-1 á heimavelli sínum gegn Maribor frá Slóveníu í seinni viðureign liðanna í umspilinu. Fyrri leikurinn hafði endað með jafntefli 1-1.
Þetta er gríðarlegt áfall fyrir stuðningsmenn Celtic sem margir hafa kallað eftir því að Norðmaðurinn Ronny Deila verði rekinn en hann tók við stjórnartaumunum fyrir tímabilið.
Þetta er gríðarlegt áfall fyrir stuðningsmenn Celtic sem margir hafa kallað eftir því að Norðmaðurinn Ronny Deila verði rekinn en hann tók við stjórnartaumunum fyrir tímabilið.
„Þeir voru einfaldlega beittari í þessum leik. Það þýðir ekki að finna afsakanir, við vorum ekki nægilega góðir og eigum ekki skilið að fara í Meistaradeildina," sagði Deila eftir leikinn í gær.
„Við töpuðum ekki vegna lélegs varnarleiks. Við töpuðum því við sköpuðum ekki færi. Það þarf að koma meira tempó og hreyfanleiki í spilamennsku okkar. Gæðin eru ekki nægilega mikil."
Celtic mun fara niður í Evrópudeildina eftir tapið í gær en hópur stuðningsmanna liðsins stofnuðu til mótmæla fyrir utan heimavöll félagsins eftir leikinn.
Athugasemdir
