Xabi Alonso, miðjumaður Real Madrid, er á leið til FC Bayern.
Spænskir og þýskir fjölmiðlar greina frá þessu í kvöld en talið er að kaupverðið hljóði upp á átta milljónir punda.
Spænskir og þýskir fjölmiðlar greina frá þessu í kvöld en talið er að kaupverðið hljóði upp á átta milljónir punda.
Alonso ku ætla að halda fréttamannafund eftir æfingu Real Madrid í fyrramálið þar sem hann mun útskýra af hverju hann er á förum frá félaginu.
Alonso mun fá harða samkeppni um sæti í liðinu hjá Bayern en Pep Guardiola þjálfari liðsins hefur úr nóg af miðjumönnum að velja.
Þar má meðal annars nefna Bastian Schweinsteiger, Thiago Alcantara, Javi Martinez sem og Philipp Lahm sem spilaði talsvert á miðjunni á síðasta tímabili. Martinez mun þó missa af stórum hluta tímabilsins vegna meiðsla.
Athugasemdir