Heimild: Vísir
Guðmann Þórisson, varnarmaður FH.
„Það gæti vel verið að hann sé búinn að spila sinn síðasta leik með okkur í sumar en við vonum samt það besta," segir Heimir Guðjónsson, þjálfari FH, í viðtali við Vísi.
Heimir er þar að tala um miðvörðinn Guðmann Þórisson sem hefur aðeins tekið þátt í fimm leikjum í Pepsi-deildinni í sumar vegna meiðsla. Heimir segir að það komi í ljós eftir landsleikjahlé hvort Guðmann spili meira á tímabilinu.
Heimir er þar að tala um miðvörðinn Guðmann Þórisson sem hefur aðeins tekið þátt í fimm leikjum í Pepsi-deildinni í sumar vegna meiðsla. Heimir segir að það komi í ljós eftir landsleikjahlé hvort Guðmann spili meira á tímabilinu.
Davíð Þór Viðarsson og Pétur Viðarsson hafa verið miðverðir FH í síðustu leikjum með góðum árangri en Kassim Doumbia hefur verið að glíma við meiðsli. Davíð og Pétur hafa leikið vel saman.
„Hann var með beinmar í ökklanum en er orðinn góður. Hann mun klárlega styrkja okkur mikið á lokasprettinum enda frábær leikmaður," segir Heimir við Vísi um Kassim "The Dream".
Athugasemdir
