Gunnar Borgþórsson var svekktur eftir 3-0 tap Selfyssinga gegn Haukum í 1. deild karla.
Selfoss ógnaði lítið sem ekkert í fyrri hálfleik og skapaði sér nokkur færi í þeim síðari en sigur Hauka var aldrei í hættu.
Selfoss ógnaði lítið sem ekkert í fyrri hálfleik og skapaði sér nokkur færi í þeim síðari en sigur Hauka var aldrei í hættu.
Lestu um leikinn: Haukar 3 - 0 Selfoss
„Það var svo margt sem klikkaði. Við ætluðum að gera eitt en gerðum annað," sagði Gunni svekktur eftir leik.
„Við höfum verið að bæta sóknarleikinn og byggðum hann upp mjög svipaðan og í síðustu leikjum þar sem við höfum verið að skora og skapa mikið af færum.
„Haukavörnin stóð gríðarlega þétt og þeir voru mjög vel skipulagðir. Það var ekki fyrr en við settum Richard inná í seinni hálfleik að við fórum að ógna eitthvað."
Selfoss er í bullandi fallbaráttu og aðeins tveimur stigum frá fallsæti, en næsti leikur liðsins er gegn Gróttu og sá er gífurlega mikilvægur, enda helstu samkeppnisaðili Selfyssinga í fallbaráttunni.
„Við höfum allir trú á því að við getum haldið okkur uppi. Þetta verður barátta alveg fram í síðasta leik og við þurfum að fá nokkur stig í viðbót.
„Við þurfum að setjast yfir leikinn og skoða hann aðeins á vídjói og sjá hvað við getum gert betur."
Athugasemdir