Mikið hefur verið rætt og ritað um frammistöðu Rooney í upphafi þessa tímabils en hann segir umræðuna ekki hafa haft nein áhrif á sig.

„Ef ég hefði ekki þennan sterka karakter hefði þessi gagnrýni kannski haft áhrif á mig en ég veit hvað ég get".

„Þegar mörkin eru ekki að detta inn geri ég samt margt sem hjálpar liðinu. Sem betur fer fékk ég færi í kvöld og tókst að nýta þau", sagði Rooney eftir leikinn í gær.

„Ég var ekki orðinn áhyggjufullur. Kannski hefði ég orðið það eftir 4-5 leiki í viðbót en tímabilið er rétt að byrja og ég vissi að mörkin myndu koma".

„Sem sóknarmaður viltu að sjálfsögðu alltaf skora. Fólk horfir til baka á síðasta tímabil og telur mínúturnar síðan ég skoraði síðast, en margir hágæða framherjar eru enn að koma sér í gang".

„Ég skil það að útaf því hver ég er og hvað ég heiti fæ ég miklu meiri athygli. En það fylgir mínu starfi og ég get tekið því", sagði Rooney kokhraustur.