Heung-Min Son gerði sigurmarkið á 71. mínútu, eftir stoðsendingu frá Erik Lamela.
Tottenham rétt marði CSKA frá Moskvu með einu marki gegn engu í Meistaradeildinni í kvöld.
Mauricio Pochettino, stjóri Tottenham, segir að um skyldusigur hafi verið að ræða enda sé liðið í erfiðum riðli ásamt Monaco og Bayer Leverkusen, auk CSKA.
Mauricio Pochettino, stjóri Tottenham, segir að um skyldusigur hafi verið að ræða enda sé liðið í erfiðum riðli ásamt Monaco og Bayer Leverkusen, auk CSKA.
„Þetta var mjög mikilvægur sigur í baráttunni um sæti í útsláttarkeppninni," sagði Pochettino að leikslokum.
„Þetta var skyldusigur fyrir okkur. Núna erum við í 2. sæti en það er mikið eftir og riðillinn galopinn."
Heung-Min Son hefur staðið sig frábærlega undanfarnar vikur og gerði sigurmarkið í dag.
„Þetta var erfiður útileikur og við vorum þreyttir eftir laugardagsleikinn í deildinni og ferðalagið til Rússlands í gær," sagði Son.
„Við lögðum okkur alla fram og erum ánægðir með stigin."
Athugasemdir
