Kári hefur byrjað undankeppni HM frábærlega með íslenska landsliðinu.
Kári Árnason varð í gær sænskur meistari í annað skipti á ferlinum þegar að Malmö tryggði sér titilinn í Svíþjóð.
Malmö sigraði Falkenberg 3-0 á útivelli á meðan Norrköping, meistararnir frá því í fyrra, töpuðu 2-1 gegn Elfsborg. Malmö er því sjö stigum á undan Norrköping þegar tvær umferðir eru eftir.
Kári varð einnig sænskur meistari með Djurgarden árið 2005.
Malmö sigraði Falkenberg 3-0 á útivelli á meðan Norrköping, meistararnir frá því í fyrra, töpuðu 2-1 gegn Elfsborg. Malmö er því sjö stigum á undan Norrköping þegar tvær umferðir eru eftir.
Kári varð einnig sænskur meistari með Djurgarden árið 2005.
„Það er gaman að ná þessum titli með öðru liðinu í Svíþjóð,“ sagði Kári í viðtali við mbl.is í dag.
Hinn 34 ára gamli Kári er samningsbundinn Malmö út næsta tímabil en hann segir að liðið sé það sterkasta sem hann hefur spilað með á ferlinum.
„Framhaldið er óráðið. Ég á eitt ár eftir af samningi mínum og er því ekkert að stressa mig á hlutunum. Það verður bara að koma í ljós hvað Malmö vill gera."
„Ég held að Malmö sé sterkasta liðið sem ég hef spilað með á ferlinum og ég tala nú ekki um þegar við getum stillt upp sterkasta liði okkar,“ sagði Kári við mbl.is.
Athugasemdir
