Tottenham situr í toppsæti C-riðils Evrópudeildarinnar fyrir lokaumferðina eftir 1-0 sigur á Partizan á heimavelli í kvöld.

Benjamin Stambouli gerði eina mark leiksins snemma í síðari hálfleiks með skoti af stuttu færi.

Talsverðar tafir urðu á leiknum í fyrri hálfleik eftir að þrír áhorendur hlupu inn á völlinn. Var leikurinn stöðvaður í 10 mínútur í kjölfarið á þeirri uppákomu.

Tottenham er með 11 stig og er öruggt áfram úr riðlinum líkt og Besiktast sem hefur 9 stig í 2. sæti. Liðin mætast í Tyrklandi í hreinum úrslitaleik um toppsætið í riðlinum eftir tvær vikur.