McClaren lét leikmenn hafa það óþvegið á æfingu liðsins síðastliðinn mánudag eftir að liðið steinlág fyrir Leicester um síðustu helgi.

Hann tók Coloccini sérstaklega fyrir og gagnrýndi frammistöðu hans á tímabilinu harðlega.

„Að sjálfsögðu verður hann áfram fyrirliði. Við höfum átt frábæra æfingaviku. Það hefur verið mikill kraftur, orka og samkeppni. Akkúrat það sem vantaði í okkar leik um síðustu helgi", segir McClaren.

„Ég hef fengið þau svör sem ég vildi sjá frá leikmönnunum."

„Ég var ósáttur með hugarfar leikmanna í leiknum um síðustu helgi og ég lét þá vita af því. Þetta kemur fyrir og vonandi svörum við fyrir þetta á morgun", segir McClaren.

Newcastle á verðugt verkefni fyrir höndum á morgun þegar liðið heimsækir Crystal Palace.