Fjölnir sigraði FH í Bose mótinu í kvöld og á úrslitaleik um toppsæti riðilsins gegn Stjörnunni næsta mánudag.
Ólafur Páll Snorrason, sem hefur spilað fyrir og þjálfað bæði FH og Fjölni áður, tók við Fjölni í október.
Ólafur Páll Snorrason, sem hefur spilað fyrir og þjálfað bæði FH og Fjölni áður, tók við Fjölni í október.
„Gaman að eiga við stóra liðið þarna í Hafnarfirði. Við spiluðum mjög góðan fótbolta á móti mjög öflugu liði," sagði Óli Palli að leikslokum.
Bose mótið er mikið notað til að prófa nýja leikmenn og var Óli ánægður með væntanlega leikmenn Fjölnis, varnarmennina Arnór Breka Ásþórsson og Sigurpál Melberg Pálsson. Óli bætti því við að félagið væri að skoða fleiri leikmenn.
„Vonandi gerist eitthvað á næstu dögum, eða kannski viku."
Óli telur sig þurfa að styrkja hópinn fyrir átök sumarsins en var léttur í lund og grínaðist með úrslit æfingaleiksins þegar hann var spurður hvort hann þyrfti að styrkja hópinn mikið. „Nei, ég var að vinna FH."
Athugasemdir