Ofan á það bætast svo vænar bónusgreiðslur.

Samkvæmt Football Leaks fékk Firmino 25 þúsund pund í bónus fyrir hvert af fyrstu fimm mörkum sínum á tímabilinu. Sú upphæð hækkaði svo upp í 45 þúsund pund fyrir hvert af næstu fimm mörkum þar á eftir.

Gegn Swansea skoraði hann 15. og 16. mark sitt á tímabilinu (Úrvalsdeildin og Meistaradeildin).

Fyrir fyrra markið fékk hann 65 þúsund pund í bónus og svo opnaði hann klásúlu um hækkun á næsta marki sem færði honum 85 þúsund pund.

Firmino fór því með 21 milljón íslenskra króna í bónusgreiðslur heim í vasanum. Fínasti jólabónus.