Van Dijk kveður Southampton.
Virgil van Dijk var í dag kynntur sem nýr leikmaður Liverpool en hann er dýrasti varnarmaður heims.
Van Dijk skrifaði kveðju á Instagram þar sem hann segist hæstánægður með að vera orðinn leikmaður Liverpool og að það sé sér mikill heiður.
„Í dag er stoltur dagur fyrir mig og fjölskyldu mína þar sem ég fer í eitt stærsta félag í heimsfótboltanum. Ég get ekki beðið eftir því að klæðast rauðu treyjunni frægu fyrir framan The Kop í fyrsta sinn. Ég mun gefa allt í þetta til að hjálpa þessu sögufræga félagi að upplifa eitthvað sérstakt á komandi árum."
Van Dijk þakkaði einnig öllum hjá Southampton og segir að hann verði alltaf skuldbundinn félaginu fyrir að hafa fengið það tækifæri að spila í ensku úrvalsdeildinni.
„Þrátt fyrir erfiðleika síðustu mánuði hef ég notið tímans hjá Dýrlingunum og hef eignast vini fyrir lífstíð. Takk fyrir allt og takk fyrir hlý skilaboð. Nú hlakka ég til að hitta nýja liðsfélaga og byrja á nýjum stað."
Athugasemdir
