Ljóst er að íslenski landsliðsmaðurinn Kolbeinn Sigþórsson er ekki á förum frá Ajax í janúarglugganum. Markahrókurinn hefur verið orðaður við Lille og QPR en mun klára tímabilið í Hollandi.
„Það er klárt að hann verður áfram. Nú er það eina sem kemst að hjá honum að hjálpa Ajax að vinna hollenska meistaratitilinn fimmta árið í röð. Hann vill gefa allt í þetta fyrir Ajax," segir Andri Sigþórsson, bróðir Kolbeins og umboðsmaður, við hollenska fjölmiðla.
Kolbeinn á ekki lengur fast sæti í fremstu víglínu hjá Ajax eftir góða frammistöðu pólska sóknarmannsins Arek Milik.
Ajax er í öðru sæti hollensku deildarinnar, sex stigum á eftir PSV Eindhoven.
Athugasemdir