Leikið verður í spænska konungsbikarnum í kvöld og er um alvöru stórleik að ræða.

Seinni viðureign Atletico Madrid og Barcelona fer fram á Vicente Calderon leikvangnum og hefst veislan klukkan 20:00.

Barcelona vann fyrri leikinn 1-0 með marki úr umdeildu víti og er því í bílstjórasætinu, en það væri þó fráleitt að afskrifa heimamenn sem hafa nú þegar slegið út Real Madrid.