Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   þri 28. febrúar 2017 21:55
Elvar Geir Magnússon
Lengjubikarinn: Sigur Stjörnunnar á Þrótti aldrei í hættu
Hilmar skoraði og lagði upp.
Hilmar skoraði og lagði upp.
Mynd: Fótbolti.net - Tomasz Kolodziejski
Stjarnan 3 - 1 Þróttur R.
1-0 Hilmar Árni Halldórsson ('11)
2-0 Baldur Sigurðsson ('19)
3-0 Kristófer Konráðsson ('77)
3-1 Sjálfsmark - Daníel Laxdal ('82)

Stjarnan vann öruggan sigur gegn Þrótti í Lengjubikarnum í kvöld en leikið var í Kórnum.

Garðbæingar byrjuðu af krafti og Hilmar Árni Halldórsson braut ísinn úr þröngu færi á 11. mínútu eftir að Jósef Kristinn Jósefsson sendi á hann.

Átta mínútum síðar tvöfaldaði Stjarnan forystunni. Hilmar Árni átti hættuleg föst leikatriði í leiknum og eftir eitt slíkt skoraði Baldur Sigurðsson með skalla.

Hinn ungi Kristófer Konráðsson kom inn sem varamaður hjá Stjörnunni og sýndi flott tilþrif. Hann fékk boltann á 77. mínútu frá Guðjóni Baldvinssyni, tók laglegan snúning og skoraði.

Þróttur minnkaði muninn þegar Daníel Laxdal skallaði boltann í eigið mark eftir aukaspyrnu en 3-1 urðu lokatölur.

Stjarnan er með fjögur stig að loknum tveimur leikjum í Lengjubikarnum og Þróttarar hafa þrjú stig.

Byrjunarlið Stjörnunnar: Haraldur Björnsson (m), Jósef Kristinn Jósefsson, Jóhann Laxdal, Óttar Bjarni Guðmundsson, Daníel Laxdal, Guðjón Baldvinsson, Baldur Sigurðsson (f), Arnar Már Björgvinsson, Hörður Árnason, Hilmar Árni Halldórsson, Hólmbert Aron Friðjónsson.

Byrjunarlið Þróttar: Sindri Geirsson (m), Grétar Sigfinnur Sigurðarson (f), Hreinn Ingi Örnólfsson, Birgir Ísar Guðbergsson, Vilhjálmur Pálmason, Aron Þórður Albertsson, Birkir Þór Guðmundsson, Daði Bergsson, Karl Brynjar Björnsson, Árni Þór Jakobsson, Rafn Andri Haraldsson.
Athugasemdir
banner
banner
banner
banner