Lukaku hefur skorað 17 mörk í ensku úrvalsdeildinni á þessu tímabili og vitað er af miklum áhuga á honum.

„Ég hef algjörlega látið umboðsmann minn um viðræðurnar og ég einbeiti mér að því að spila. Eins og þið sjáið á spilamennsku minni er ég mjög ánægður hérna. Ég einbeiti mér að því að bæta mig. Bestu leikmenn heims eru alltaf að bæta sig," segir Lukaku.

„Ég legg meira á mig en ég gerði og hleyp meira. Ég hef öðlast meiri stöðugleika. Þetta hefur verið mjög lærdómsríkst."

Lukaku hefur aldrei farið leynt með þann draum sinn að spila í Meistaradeildinni. Það hefur ýtt undir sögusagnir um að hann gæti farið frá Everton.

„Maður verður að hafa metnað til að ná því besta fram í sjálfum sér," segir Lukaku.