Roy Hodgson, fyrrum þjálfari enska landsliðsins, þykir nú líklegastur til að taka við stjórnartaumunum hjá enska liðinu Leicester City.
Claudio Ranieri var eins og kunnugt er rekinn frá liðinu á dögunum eftir að hafa ekki náð að fylgja eftir góðu gengi á síðasta tímabili.
Craig Shakespeare, sem var aðstoðarþjálfari Ranieri hjá liðinu, tók tímabundið við og stýrði liðinu til sigurs gegn Liverpool í gær.
Hodgson er sagður hafa hitt forráðamenn félagsins á leynifundi og í kjölfarið þykir hinn 69 ára gamli þjálfari líklegur til að taka við starfinu.
Roy Hodgson hefur verið atvinnulaus síðan hann hætti með enska landsliðið eftir tap gegn Íslandi í 16-liða úrslitum EM síðastliðið sumar.
Athugasemdir