Í gær missti liðið niður forystu gegn Torino en leikurinn endaði með jafntefli 2-2.

„Við erum vonsviknir því við vorum með leikinn í okkar höndum og þetta hefðu verið þrjú mikilvæg stig. Við erum allir í þessu saman og erum tilbúnir að leggja okkur fram fyrir stjórann," segir Saponara.

„Við erum alltaf í myndbandaherberginu að skoða andstæðingana. Við gerðum mistök í þessum leik en það vantaði ekkert upp á framlagið."

Fiorentina er í áttunda sæti, níu stigum frá Evrópusæti. Slök mæting var á leikinn í gær en margir stuðningsmenn sátu heima svekktir með árangur liðsins að undanförnu.