Marco Russ, leikmaður Eintract Frankfurt, kom inn á sem varamaður þegar liðið vann 1-0 sigur gegn Armenia Bielefeld í 8-liða úrslitum þýska bikarsins í kvöld.
Það þykir afar merkilegt í ljósi þess að einungis er tæpt ár síðan Russ greindist með krabbamein í eistunum.
Í maí í fyrra féll Russ á lyfjaprófi þegar nCG hormón fannst í lífsýni hans. Hormónið finnst í sterum en getur líka myndast í líkamanum þegar fólk fær krabbamein.
Eftir rannsóknir kom í ljós að Russ var með krabbamein sem hélt honum utan vallar þar til í kvöld. Þegar krabbameinið fannst fór hann í vel heppnaða aðgerð og sigraðist hann í kjölfarið á meininu.
Frankfurt vann leikinn 1-0 í kvöld og er komið í undanúrslit.
Eintracht Frankfurt 1 - 0 Arminia Bielefeld
1-0 Danny Blum ('6)
Athugasemdir