Landsliðsfyrirliðinn Aron Einar Gunnarsson nær í dag sínum 50. A-landsleik þegar hann leiðir íslenska liðið út á völl í Kasakstan.
Aron er aðeins 25 ára og mikið afrek hjá honum að ná þessum leikjafjölda þetta snemma.
Aron er aðeins 25 ára og mikið afrek hjá honum að ná þessum leikjafjölda þetta snemma.
Fyrsti A-landsleikur Arons kom 2. febrúar 2008 þegar Ísland tapaði fyrir Hvíta-Rússlandi í æfingaleik á Möltu.
Helsta hlutverk Arons er að sinna varnarhlutverki á miðjunni og hefur hann skorað eitt mark í þeim 49 leikjum sem eru að baki en það kom í þessari undankeppni, í sigri gegn Lettum.
Líklegt er að Eiður Smári Guðjohnsen leiki sinn 79. landsleik í dag.
Leikurinn í dag laugardag hefst 15:00 að íslenskum tíma en hitað verður upp fyrir hann milli 12 og 14 á X-inu FM 97,7 þar sem útvarpsþátturinn Fótbolti.net er á dagskránni.
Athugasemdir