Eiður Smári Guðjohnsen skoraði fyrsta markið í leiknum í endurkomu sinni í landsliðið.

,,Fyrsta markið var game-changer. Þeir voru ef eitthvað var betri í byrjuu en við fengum gefins mark frá þeim. Léleg sending sem Jói stal og kom honum á Eið Smára. Við vorum heppnir hvernig þetta byrjaði en eftir það var þetta allt auðveldara fyrir okkur," sagði Heimir sem var ánægður með Eið í leiknum.

,,Auðvitað er alltaf áhætta að breyta þegar menn eru farnir að þekkja hvorn annan. Okkur fannst þessi leikur vera þannig að það væri gott að hafa einn rólegan með boltann sem gat róað spilið og fundið hlaupara."

,,Við settum Jóa Berg inn, hann er hlaupari og góður gervigras spilari. Hann stóð sig mjög vel og var mjög ógnandi. Ég veit að hann er drullusvekktur að hafa ekki skorað mark. Mér fannst breytingarnar heppnast nokkuð vel."

Íslenska þjóðin fylgdist spennt með gangi mála í dag og spenna er fyrir næsta leik í undankeppninni, gegn Tékkum á Laugardalsvelli í júní.

,,Það er leikur við Tékka í júní og nú fara menn að gíra sig upp. Tólfan fær sér einn öllara í kvöld og síðan gíra menn sig upp í þann leik. Við vorum ekki ánægðir með frammistöðuna okkar í Tékklandi og við viljum bæta það upp og endurheimta fyrsta sætið. Við fáum tækifæri til þess í júní," sagði Heimir.

Hér að ofan má sjá viðtalið í heild sinni.