Branko Brnovic metur möguleika Svartfellinga litla.
Branko Brnovic, landsliðsþjálfari Svartfjallalands, var gríðarlega vonsvikinn út í stuðningsmenn liðsins eftir að flauta þurfti af leikinn gegn Rússlandi í undankeppni EM 2016 í gærkvöldi.
Stuðningsmenn Svartfjallalands voru sjálfum sér og þjóðinni til skammar í gær þegar Rússar komu í heimsókn, en strax á fyrstu mínútu var leikurinn stöðvaður eftir að blysi var hent í höfuðið á markverðinum Igor Akinfeev.
Akinfeev var fluttur á sjúkrahús og leikurinn hófst á ný eftir 20 mínútna pásu. Eftir að Rússland fékk vítaspyrnu í seinni hálfleik og brenndi af varð svo allt vitlaust. Stuðningsmenn hentu hlutum inn á völlinn og á endanum ákvað dómarinn Deniz Aytekin að flauta leikinn af.
Brnovic segir að stuðningsmenn hafi eyðilagt EM draum landsliðsins og að bæði hann og leikmenn hafi verið orðlausir þegar leikurinn var flautaður af.
Stuðningsmenn Svartfjallalands voru sjálfum sér og þjóðinni til skammar í gær þegar Rússar komu í heimsókn, en strax á fyrstu mínútu var leikurinn stöðvaður eftir að blysi var hent í höfuðið á markverðinum Igor Akinfeev.
Akinfeev var fluttur á sjúkrahús og leikurinn hófst á ný eftir 20 mínútna pásu. Eftir að Rússland fékk vítaspyrnu í seinni hálfleik og brenndi af varð svo allt vitlaust. Stuðningsmenn hentu hlutum inn á völlinn og á endanum ákvað dómarinn Deniz Aytekin að flauta leikinn af.
Brnovic segir að stuðningsmenn hafi eyðilagt EM draum landsliðsins og að bæði hann og leikmenn hafi verið orðlausir þegar leikurinn var flautaður af.
,,Leikmennirnir mínir eru í rusli, enginn þeirra veit hvað á að segja. Meira að segja ég veit ekki hvað ég á að segja," sagði Brnovic við RTCG.
,,Nú höfum við tapað öllum möguleikum á að komast áfram og við munum spila fyrir framan tóman völl í næstu heimaleikjum."
,,Við erum heppnir að forseti knattspyrnusambands okkar, Dejan Savisevic, nýtur mikillar virðingar innan UEFA."
,,Við getum ekkert gert annað en að reyna að ná sem bestum úrslitum í næstu leikjum."
Eins og staðan er núna eru Svartfjallaland og Rússland bæði með fimm stig í G riðli og eru í fjórða og þriðja sæti. Austurríki er í efsta sæti með 13 stig og þar á eftir koma Svíar með níu stig.
Búist er við að Rússum verði dæmdur sigur í leik gærkvöldsins og þá er klárlega á brattann að sækja fyrir Svartfellinga.
Athugasemdir
