Reynir Már Sveinsson hefur gengið til liðs við Þór á Akureyri en hann skrifaði undir hjá félaginu í gærkvöldi.
Reynir Már er uppalinn Fjölnismaður en síðastliðið sumar spilaði hann með Vængjum Júpíters í fjórðu deildinni.
Reynir Már er uppalinn Fjölnismaður en síðastliðið sumar spilaði hann með Vængjum Júpíters í fjórðu deildinni.
„Reynir er stór og sterkur leikmaður sem getur spilað margar stöður á vellinum," sagði Halldór Jón Sigurðsson þjálfari Þórs við Fótbolta.net.
„Hann kemur til með að auka breiddina og veitir jákvæða samkeppni innan liðsins."
Reynir er fæddur árið 1992 en hann spilar oftast á miðjunni. Hann lék þrjá leiki með Fjölni í fyrstu deildinni árið 2011.
Athugasemdir