Undanúrslit Evrópudeildarinnar hefjast í kvöld þar sem leikirnir í undanúrslitum fara fram samtímis.

Liverpool heimsækir Villarreal á El Madrigal leikvanginn en á leið sinni í undanúrslitin hefur Liverpool slegið út Augsburg, Man Utd og Borussia Dortmund á meðan spænska liðið lagði Napoli, Bayer Leverkusen og Sparta Prag.

Hin viðureignin fer fram í Úkraínu þar sem ríkjandi Evrópudeildarmeistarar Sevilla verða í heimsókn en liðið hefur unnið keppnina síðustu tvö ár og alls unnið fjórum sinnum frá árinu 2006.

Shakhtar Donetsk hefur farið í gegnum Schalke, Anderlecht og Braga í Evrópudeildinni í vetur á meðan Sevilla vann Molde, Basel og Athletic Bilbao á leið sinni í undanúrslitin.