Adam Lallana lék allan leikinn gegn Villarreal.
Liverpool tapaði fyrir Villarreal í undanúrslitum Evrópudeildarinnar í kvöld og á því heljarinnar verk framundan á Anfield að viku liðinni.
Leikurinn í kvöld var rólegur og jafn og komust gestirnir frá Liverpool nær því að skora í venjulegum leiktíma.
Leikurinn í kvöld var rólegur og jafn og komust gestirnir frá Liverpool nær því að skora í venjulegum leiktíma.
Nokkrum mínútum var bætt við leiktímann og það var þá sem heimamönnum tókst að gera eina mark leiksins. Denis Suarez var kominn í gegn og lagði hann boltann fyrir Adrian sem skoraði auðveldlega.
Shakhtar Donetsk mætti ríkjandi Evrópudeildarmeisturum Sevilla á sama tíma í Úkraínu.
Gestirnir frá Spáni komust yfir með marki frá Vitolo snemma leiks en heimamenn náðu að jafna og komast yfir fyrir leikhlé.
Heimamenn voru betri allan leikinn en Kevin Gameiro náði að gera jöfnunarmark úr vítaspyrnu undir lok leiksins og Sevilla með tvö útivallarmörk og í góðri stöðu fyrir síðari viðureignina.
Villarreal 1 - 0 Liverpool
1-0 Adrian ('92)
Shakhtar Donetsk 2 - 2 Sevilla
0-1 Vitolo ('6)
1-1 Marlos ('23)
2-1 Taras Stepanenko ('36)
2-2 Kevin Gameiro ('82, víti)
Athugasemdir
