Skagamenn þurfa líklega að vera án markahróksins Garðars Gunnlaugssonar í fyrstu umferð Pepsi-deildarinnar. Liðið mætir FH á sunnudaginn.
„Ég gæti misst af leiknum en ég er að gera mitt besta. Það er eitthvað vesen í bakinu sem leiðir niður í nára. Ég er að vinna með sjúkraþjálfara og kírapraktór til að reyna að kippa þessu í lag," segir Garðar sem er orðinn fyrirliði ÍA eftir að Ármann Smári Björnsson lagði skóna á hilluna vegna meiðsla.
„Það er leiðinlegt að hafa æft í allan vetur og svo gerist svona korter í mót. Þetta er hörkuverkefni gegn FH í fyrsta leik en þrátt fyrir að ég verði kannski ekki með þá hef ég ekki áhyggjur af því að strákarnir leysi þetta ekki. Við höfum unga og efnilega stráka."
ÍA hefur misst algjöra lykilhlekki frá því í fyrra. Markvörðurinn Árni Snær Ólafsson er meiddur og Ármann og Iain Williamson horfnir á braut.
„Þetta hefur verið súrrealískur vetur hjá okkur og margir að detta í meiðsli hér og þar. En ungu strákarnir hafa verið að fá fullt af tækifærum og svo höfum við fengið þrjá sterka pósta í þessum útlendingum sem hafa komið. Þeir hafa smollið vel inn í hópinn."
Garðar skoraði 14 mörk í Pepsi-deildinni í fyrra, er hann búinn að setja sér markmið fyrir sumarið?
„Markmiðið er alltaf að gera betur en í fyrra," segir Garðar en viðtalið má sjá í heild í sjónvarpinu hér að ofan.
Ekki gleyma Draumaliðsdeild Eyjabita!
Mundu að gera breytingar á þínu liði í Draumaliðsdeild Eyjabita. Hægt er að skrá sig í allt sumar. Markaðurinn lokar klukkutíma fyrir fyrsta leik umferðarinnar.
Smelltu hér til að taka þátt í Draumaliðsleiknum!
Athugasemdir