Heiðar Geir Júlíusson.
Þróttur R. hefur fengið Heiðar Geir Júlíusson til liðs við sig fyrir átökin í Inkasso-deildinni í sumar.
Heiðar Geir er uppalinn hjá Fram en hann lék á sínum tíma með Ängelholms FF og Hammarby í efstu tveimur deildunum í Svíþjóð.
Árið 2013 kom Heiðar aftur til Íslands en hann spilaði þá með Fylki í Pepsi-deildinni.
Heiðar Geir er uppalinn hjá Fram en hann lék á sínum tíma með Ängelholms FF og Hammarby í efstu tveimur deildunum í Svíþjóð.
Árið 2013 kom Heiðar aftur til Íslands en hann spilaði þá með Fylki í Pepsi-deildinni.
Síðan þá hefur Heiðar komið víða við en hann hefur síðan þá meðal annars spilað með IFK Uddevalla og Brage í Svíþjóð, Ham/Kam í Noregi og Cambridge City á Englandi.
Í vetur æfði Heiðar bæði með Fram og Leikni R. en hann hefur nú gengið til liðs við Þrótt.
Hinn 29 ára gamli Heiðar er fjölhæfur leikmaður en hann hefur mest spilað á miðjunni á ferli sínum.
Þróttur mætir Afríku í Borgunarbikarnum á morgun en liðið hefur leik í Inkasso-deildinni gegn Haukum um aðra helgi.
Athugasemdir
