35. umferð spænsku úrvalsdeildarinnar verður spiluð um helgina og getur verið að tvö lið muni falla úr deildinni um helgina.

Umferðin hefst í kvöld með leik Villarreal og Sporting Gijon.

Sverrir Ingi Ingason og félagar í Granada þurfa nauðsynlega að vinna Real Sociedad á útivelli á morgun ætli liðið að halda sér í deildinni. Tapi liðið, mun það falla úr deildinni.

Real Madrid fær Valencia í heimsókn í hörkuleik og þá mætast nágrannarnir Espanyol og Barcelona í baráttunni um Barcelona borg.

Á sunnudag fara fram fjórir leikir, og þar getur Osasuna fallið, en liðið þarf að vinna alla leikina sem það á eftir til þess að bjarga sér.

Umferðinni lýkur á mánudag með leik Malaga og Sevilla.