Það var einn leikur sem að fór fram í Spænsku deildinni í kvöld. Villareal tók á móti Sporting Gijon.

Það var fyrrum leikmaður Tottenham, Roberto Soldado, sem að skoraði fyrsta mark leiksins á 33. mínútu.

Cedric Bakambu skoraði síðan tvö mörk í seinni hálfleiknum, það fyrra á 47. mínútu og það seinna á 59. mínútu.

Douglas, leikmaður Sporting Gijon, náði að klóra í bakkann fyrir gestina á 73. mínútu en lengra komust þeir ekki. Lokatölur því 3-1 fyrir Villareal.

Sporting Gijon eru í bullandi fallbaráttu og hefði virkilega þurft á sigri að halda í kvöld en liðið situr í 18. sæti með 24 stig. Villareal er hinsvegar í 5. sæti, 5 stigum á eftir Sevilla.