Það er í algerum forgangi hjá Manchester United að landa miðverði og sóknarmanni í sumarglugganum en þetta kemur fram í Times í dag.
Meiðsli hafa herjað á hóp United á þessu tímabili og hefur Erik ten Hag, stjóri liðsins, oft verið í miklu brasi með að velja vörnina.
Harry Maguire og Casemiro hafa staðið vaktina í miðri vörn undanfarið, en Man Utd ætlar að styrkja varnarlínuna í sumar og eru tveir leikmenn á blaði þar.
Times segir að United sé afar áhugasamt um enska leikmanninn Marc Guehi, sem er á mála hjá Crystal Palace. Hann er ekki ein leikmaðurinn, en Max Kilman, 26 ára gamall varnarmaður, Wolves er einnig á listanum.
United vill þá styrkja sig framar á vellinum en það vill fá Michael Olise, liðsfélaga Guehi hjá Palace.
Talið er að Palace vilji að minnsta kosti 60 milljónir punda fyrir Olise.
Leikmaðurinn hefur aðeins komið við sögu í sextán deildarleikjum á tímabilinu vegna meiðsla aftan í læri en í þeim leikjum hefur hann komið að ellefu mörkum.
Athugasemdir