Harry Kane, framherij Tottenham, verður líklega orðinn ansi þreyttur á flugvélum um það leyti sem keppni hefst í ensku úrvalsdeildinni á nýjan leik í ágúst.
Kane verður á ferð og flugi í sumar en hann mun samtals ferðast yfir 51 þúsund kílómetra í æfinga og keppnisferðum. Það er lengri vegalend en ef maður fer hringinn í kringum hnöttinn.
Kane er núna í keppnisferð með Tottenham í Malasíu en þaðan liggur leiðin til Ástralíu.
Eftir það mun Kane fara aftur til London með liði Tottenham og þaðan fer hann með enska U21 árs landsliðinu til Tékklands.
Í lok júlí fer Kane síðan til Bandaríkjanna í æfingaferð með Tottenham og aftur til baka áður en keppni í ensku úrvalsdeildinni hefst þann 8. ágúst.
Hér að neðan má sjá mynd Sky af ferðalögum Kane.
Athugasemdir