Jöri hefði viljað fá stig í kvöld.
Jörundur Áki Sveinsson þjálfari Fylkis var svekktur með að hafa ekki farið með allavega eitt stig í burtu af Vodafone-vellinum þegar lið hans Fylkir tapaði fyrir Val 3-1 í Pepsi deild kvenna.
„Það er alltaf svekkjandi að tapa fótboltaleik, miðað við hvernig við byrjuðum leikinn er ég óánægður að fara ekki með eitt stig héðan í það minnsta," sagði Jörundur í samtali við Fótbolta.net.
„Það er alltaf svekkjandi að tapa fótboltaleik, miðað við hvernig við byrjuðum leikinn er ég óánægður að fara ekki með eitt stig héðan í það minnsta," sagði Jörundur í samtali við Fótbolta.net.
Lestu um leikinn: Valur 3 - 1 Fylkir
„Lendum í því að fá á okkur mark í lok fyrri hálfleiks, förum vel yfir stöðuna í hálfleik og komum út í seinni og skorum gott mark. Þá var leikurinn í góðu jafnvægi og við komnar með örlitla yfirhönd en fáum svo á okkur mark skömmu síðar og svo þriðja og það gerir út um leikinn."
Fylkir sóttu þrjá útlendinga stuttu fyrir mót byrjuðu þær allar á bekknum í kvöld.
„Ég er ekki alveg nógu ánægður með þær, en mér fannst nú vera lífsmark með einni þeirra í dag."
„Þetta er talsvert happdrætti, við þurfum aðeins að skoða hvort þær verði hjá okkur áfram eða fari heim. Kannski erfitt að dæma þær í dag þar sem þær koma allar inná. Við lítum svo á að þær séu hingað komnar til að styrkja hópinn en þær verða að gera betur," sagði Jörundur.
Athugasemdir
